الأيام .........................

تمضي الايام و الساعات ويبقى لي قلب دايم يحن...
دودوتي لازال قلبي ينبض بحبج ولازلت أفكر فيج كل يوم
لازالت حياتي فراغ بدونج
لازلت افتقد الصديق و الحبيب و الاخ و الأخت وهذيلا كلهم انتي
بعد كل إلي صار و بعد الفراق و الأيام إلي مضت
ما تغير شي غير اني تأكدت أني ما حبيت حد في هاي الدنيا غيرج
صح يمكن تقولين اني ما حسسيتبج به ولكن كان قلبي ينبض بحبج كل دقيقه ونتي ويايه
يمكن قسوة إلى مريت فيه ورفض أهلج لي قسى مشاعري
ولكن بعد فقدج وكل محاولات الناس و محاولات عقلي انهم يقنعوني اني اكرهج و اوقوف عن حبج ما فادت
زادت قناعتي انج الانسانه الوحيدة إلى تملك كل إلي أباه
وجودج في حياتي و مشاركتج لي في تفاصيل حياتي و كل إلي حسستيني فيه مب رايم اطلعه من بالي و من قلبي
صوتج لازال يتردد في اذني و نظراتج و نقاشج و تعليقاتج و حتى زعلج المتكرر كله لازلت أحسبه
كلمة باباتي لازال قلبي كل ما يتذكره ينبض بالحب
يا كثر الليالي إلى ما أقدر أرقد بسببج
تصدقين صرت ما أقدر ادخل سيارتي إلا بالقرأن
شعور غريب لما أشوف ولا أسمع أي شي يذكرني فيج
ساعات احس اني في حلم ونج ما تركتيني و ساعات احس كأنه علاقتنا ما كانت من الواقع ولكن كأنها حلم
ما عرف جروحي و شوقي و حبي كلها منج ولج
يمكن اموت و محد يعرف بموتي و يمكن انتهي و ما تعرفين اني اندفنت بس أتمنى اني تتأكدين من شي واحد
لو ياج ولا سمعتي و لا حد خبرج انتي اندفنت ومت
إني أحبج ولليوم الأخير من عمري وني مستحيل أكرهج لو مهما صار تبقين دودوتي وماماتي و حبيبتي

تصدقين اني طول هاي المده و في كل مكان أسير له اتم اطالع من اشوف أي وحده ويا ريلها
إيني شعور انج ويا ريلج وتصير حالتي حاله و شعور قاتل يقهر و يخنق يا حبيبتي

اخاف يوم من الايام امر وطوف عليج واشوفج وتشوفيني و مانعرف بعض

كل خوفي انج تكونين نسيتيني .... أه لو يصير هذا بيكون موتي
اتركيني وبعدي و عرسي و سوي كل شي بس لا تنسيني و لا تنسين ايامنا ولا تنسين حبنا