مرت 3 سنوات و 7 شهور

اسير الحزن الثلاثاء أغسطس 30, 2011 7:56 am

الى الحب القديم والدائم غرام

مرت اكثر من ثلاث سنوات ونتي بعيده عني
نعم قطعت الكتابه في المنتدى لأني حسيت انها مؤلمه بعد
مارجعت وقريت مواضيعي الجديمه ولكن اليوم ليلة العيد!
ونتي تعرفين ليلة العيد كيف اقضيها ونتي ويايه فتذكرتج يالغاليه
وتذكرت كيف كنتي ويايه في كل دقيقه ، تذكرين؟

يمكن الدنيا والزواج ومشاغل الحياه لهتج ولكني لازلت أذكرج دوم
احاسيس وألام و له وضيج وذكريات كلاها مشكله حياتي الحاليه
أتمني من كل قلبي انج تكونين مرتاحه وسعيده يا دودوتي
كوني واثقه أني مستحيل اكرهج ولا أنساج لومهما طال الزمن او قصر
تعرفين ؟ ساعات احس علاقتنا كانها كانت حلم ومر
بس تعرفين اني لما أبا احلم اغمض عيني والقا عمري في سنه من السنين الي قبل سنة 2007
لحظات اتندم على ضياع الدقايق الي ما كلمتج فيهن
تذكرين شو كنت اقول عن سنة 2011؟

عيدج مبارك وعساج من عواده دودوه

كم هو مؤلم انك تكتب احاسيس ورسايل لشخص ما يقرا كلامك ولما ترجع بعد فتره تراجع شو كتبت تحس
شرايين قلبك تتقطع ولكن تعرفين شو أمنيتي لحظه. لا ثانيه ولا ما بكون طماع جزء من الثانيه اسمع صوتج يا حبي

ساعات اقول ليش تكتب ولا ليش تدخل الموقع اصلا ولكن ماعرف في شي يجبرني
ولكن اخر كلامي
ياعين لا تبكين وعيونه تنام ..... عادش الي ما خاب ظني بترضين

اسير الحزن

نسيت الأرقام السريه لاسماء الاشتراك القبليه ومب رايم استخدمهن!