الحب الطاهر و الثقة

خيانة الثقه و الانانية إلي طرشتيهن يا غرام مب عندي أنا و مثل ما قلتي حبنا أو بالاحرى حبي طاهر و بيتم طاهر إلين ما موت وما بلوثه بإسلوب الفضح ولا بأي طريقه يمكن قلبي يلومني عليها , أنا لو بخون الثقه وقررت افضحج بتكون عندي مبرراتي وهي انه اهلج اهانوني و احتقروني وهذا سبب اني افضحهم و نزل ويهم في الارض ولو أي شخص ثاني حرموه من حب حياته واهانوه كان بيسوي فيهم هذا وبكل سهوله وعندي سبب ثاني واقوى يخليني اني اقرر افضحج ولي هو انج قررتي تطلعين من حياتي ومثلتي عليه دور انه التيلفون مب عندج مع انه في نفس اليوم كنتي تقولين لي انج تحبيني ومستحيل تودريني والليله إلي قبلها كنتي تصيحين ويايه و تقولين انج ما ترومين تعيشين بدوني, بس انا بعلمج انه الانسان إلي اهانون هلج و لي انتي ماحترمتي حبه ولا سنينه ولا ذكرياته مستحيل يخون ثقة حبه ولا انه يخون حبه, أنا عشانج و عشان حبج لي و حاجتج لي يوم ملجت و عرست ما تركتج و خنت زوجتي و جدولت حياتي عشانج و حتى في ليلة دخلتي كلمتج من الغرفه ,عشان اعرف احساسج و كيف انتي متعلقه بي , رحمتج و كلمتج ولو لدقايق ونتي روحج امسات كنتي تقولين انه الدقايق إلي كنت اكلمج فيهن يسون وايد, ولكن للاسف انتي كنتي حاسه بتعلقي بج و كيف انا في الايام إلي ملجتي فيها كيف كانت حالتي بس قررتي تبعدين بكل سهوله وخليتيني اتعذب جدامج وانا كل يوم أي واوقف عند باب بيتكم انتظر لو حتى مسج منج تخبريني عن احوالج ولا شو السالفه, ومع كل هذا طرشتيلي مسج يجتل و تطلبين مني اطلع من حياتج بكل سهوله الله مسهلها كانت عندج, قبل كنتي تقولين لي ليش اني دايم اقرر اني ابعد بكل سهوله بس انتي قطعتيني بكل برود و طرشتيلي مسج بكل سهوله ,ولما سويت هذا الموقع رديتي طرشتي رساله خايفه اني افضحج عنده بدون أي اهميه لحالتي ولا لشعوري لما اعرف انج تقدرين توصلين لتيلفون بس ما تبين حتى ترحميني, والله لو أي شخص ثاني عاني من هذا الاسلوب الجارح كان اول شي يسويه انه يفضحج و يفضح هلج بكل سهوله عشان ينتقم منج ومن الي سويتيه فيه بس انا ما بخلي الشيطان ولا أي حد يخليني اقسى و افضحج, وليت هلج ولا امج تعرف اني رحمتها و رحمتهم من الفضيحه عشان يعرفون الانسان إلي رفضوه عشان اصله شو كانت ردة فعله بعد ما هانوه ولا بعد ما جرحته إلي يحبها بس بعد 7 أيام من يوم ملجتها .

انا لو انسان اخون جان خنت ثقتج لما كنتي تبين اطرشين لي صور عن طريق الموبايل و تعرفين انتي أي صور و شو كنت تبين اطرشين بس انا رفضت و رفضت ورفضت اكثر من مره ليش؟ بس عشان اني احبج؟ ليت هلج ولا ليت امج تعرف اني كنت اقدر احصل على الصور إلي أي شاب يقدر ينهي سمعتهم ابها ولكنه رفض رفض ورفض , ليش كل هذا عشانج وعشان حبي افهمي عشان حبي,

أنا كنت أتوقع منج لو ذرة احترام لي ولايامنا ولحبنا,وكنت اتمنى لو انج بس خبرتيني بقرارج عشان احس انه لي حب واحترام في قلبج بس انتي بعدتي بطريقة جارحه وخليتيني اتعذب وانا انتظر بس اتصال ولا مسج ولا اي شي منج يطمني ويريح قلبي إلي كان يحترق من الفرقا, الادهى من هذا اخر مسج منج في اليوم إلي قطعتي فيه قلتيلي "أصبر" خليتيني استحمل قسى هذيج الايام وانا اصبر ونتي كنت مقرره خلاص و كل شي منتهى , للاسف كيف قدرتي تقولين لي اصبر و خليتيني وبعدتي و عقبها طرشتي لي "لو سمحت اطلع من حياتي" والله انها قويه في حقي.

الموقع هذا إلي خلاج تطرشين وتخافين من الفضيحه ,انا ماذكرت فيه اسمج ولا وين تسكنين ولا اماكن يمكن تبين عنج و كله في ألقاب و بعدين انا ما طرشته حق حد ولا حد يعرفه بس طرشته لج انتي و محد غيرج ومثل ما انا حافظت عليج طول هاي السنين ورفضت حتى اني اكلمج وربعي ويايه عشان ما احسسج ولا احسسهم انج وحده من البنات مال اللعبه, انتي كنتي عندي فوق كل هذا الكلام و ظليت احترمج واحترم علاقتنا و ما سمحت لحد انه يحس انها بين ولد وبنت حق لعبه مثل ما كانوا يسوون ربعي ولا كل واحد يكلم اي بنت.

أتمنى أنج تذكريني بخير ونج تذكرين كل ليالينا وايامنا و كل تفاصيل حياتنا بكل خير واتمنى انهم ما يخلونج تكرهيني لاني اعرف انهم وصلوج لحالة كرهي والدليل رسايلج و تصرفاتج , وياخوفي انهم يكونون مسويلج سوى, بس الله فوق واقوى من الكل,
انا اشكرج على كل إلي سويتيه عشاني و مستحيل انسى هذا الشي ومستحيل انسى انج وقفتي ويايه في حالات ضعفي و في كل تفاصيل حياتي و كنتي عون لي في كل دقيقه , حتى الفلوس عطيتيني لما احتجت , انا ما انكر معروفج و مستحيل انساه , تبقين عندي غاليه وحبج هو إلي مستحيل انساه , أتمنالج التوفيق في حياتج ومبروك