40 يوم وليلة

40 يوم وليله على فراقج يا حبيبتي , مع كل إلي صار و كل الليالي إلي قضيتهن بدونج بس مب قادر اني اوقف عن حبج حاولت انت اقنع نفسي ولكن قلبي مستمر في حبج وشوقي يزيد لج, البارحه سمعت اغنية الاماكن وذكرتني بج و بكل شي بيني وبينج و كيف كنت اغنيها ونتي ويايه, أه يا عمري كيف الدنيا قاسيه, صدق ما توقعت انها بتقسى عليه بهاي الطريقه , بعادج ماكان في البال و الله ما كان في البال, وني ما اسمع صوتج لمدة 40 يوم هذا في الخيال اني اصدقه , انتي إلي كنتي ويايه في كل دقيقه و كل ثانيه حتى في الحمام كنتي ويايه والحينه بعيده حيل عني ما عرف شو اخبارج ولا شو اتسوين ولا مرتاحه ولا مضايجه يالي كنتي تخافين عليه من الهوا يالي ما كنتي ترومين تفارقيني ولا دقيقه, اهواج اقسم بالله اني اهواج موت, صدقيني لازلت ارقد واقفز من نومي بصورتج و لا بذكراج ولا بسالفه صارت بيني وبينج و سيده اسير عند الموبايل إلي من رحلتي ماسكرته انتظر وانتظر إلين اموت احتري شي من دودوتي إلي انا ربيتها و علميتها كل شي في هاي الدنيا بس شكلي ما علمتج شي واحد انج ما تجرحين ولا تقطعين بصورة مفاجأه , حبي للحين مب مصدق انج سويتي كل هذا فيه مب مصدق ولا مستوعب انه كل هذا يطلع من دودتي إلي ما تحب تجرح احد ولي انا مربنها ومتأكد انها ما تسوي أي شي فيه جرح لي ولا لغيري, الايام تمضي و الجرح يزيد و الهموم في يوفي مستمره و بعادج عني ما اقدر استوعبه ولا اقدر استحمله و مهما حاولت اني استوعب انج بعيده عني ما اقدر مجرد التفكير في هذا الشي , انتي ملكتي كل حياتي و كل تفاصيل عمري ولمدة 8 سنين ما اقدر اطلعج من حياتي ولا من قلبي انتي خلاص سكنتي و تمكنتي من كل شي فيه و خروجج من حياتي يعني انا ما بكون في هاي الدنيا انا بكون في القبر , دامي عايش للحين يعني انتي موجوده في قلبي وروحي و كياني ودمي و كل قطعه مني و حتى لو انهم خلوج تقسين و خلوج تكرهيني انا متأكد وواثق إلي بيني وبينج اكبر من كل الكلام و لا كل الافعال و لا حتى اكبر من الاحلام, بيني وبينج لحظات و سعات و كلمات و شوق واحلام و ليالي واشياء فوق الخيال ماتزول لو ابعدونا ولا حتى متنا ما بتزول يا عمري.

افتقدج بكل ما تعنيه هاي الكلمه من معاني و عمري ودنيتي بدونج ولا شي ولا شي , تذكرين هاي الاغنيه

ولا تسوى حياتي بعد منك
يحز في خاطري بالحيل انك
قدرت تعيش كأنه ما حصل شيء
وانا توي بنفس السالفة هي
علي كأن الزمن عندك توقف
نسيت ان افترقنا قلت صيف
تحريتك تجيني بس ما جيت
انا توي على طاريك فزيت
انا في داخل اعماقي نسيتك
واذا واجهت احساسي لقيتك
وين اروح دامك ساكن بي
وش اسوي وش اسوي
وغيرك انت من لي
ولا تسوى حياتي بعد منك

حبي اعرف انج ما تدخلين ولا تقرين بس يمكن يوم من الايام تدخلين و تقرين واحتمال كبير اني اكون حزتها توفيت وماعاد لي طاري في حياتي بس انا حبيت انج تعرفين كم انا احبج وكم انا اتعذب من رحيلج